اخطر برنامج لاستعادة الملفات المحذوفة @ كاسح لكل البرامج

اخطر برنامج لاستعادة الملفات المحذوفة @ كاسح لكل البرامج 0

اخطر برنامج لاستعادة الملفات المحذوفة @ كاسح لكل البرامج Quetek_consultants

الواد بلية من كام يوم كان في بلدهم

رجع و معاه شوية ملوخية خضرا تحل من على المشنقة

و سحر بنت بخاتي عمدة بلدنا بنت خالتي بتعز طبخ الملوخية بالكزبرة الناشفة

و الميكانيكي بيعز اكل الملوخية بالعيش القمح اللي لسه طالع من الفرن مولع و جنبه ربطتين بصل اخضر و يحبس بحتة جبنة قديمة و قرصين طماطم فلاحي مع عودين سريس من اللي قلبك يحبه

.....

القصة بقى يا اسيادنا

قعدت انا و بنت بخاتي علشان نقطف الملوخية و نخرطها و نقشر التوم و الذي منه

الكلام جاب كلام و كلامنا ما يخلاش من موضوع جديد نحطه في المشاغب

بنت بخاتي قالت : مش انت برضه كنت قلت ان فيه برنامج يرجع الملفات المحذوفة احسن من برنامج Restoration ؟

و قلت انك ها تدور عليه و تحطه للمشاغبين ؟

قلت لها ايوه انا قلت الكلام دا

قالت : خلاص .. كدا يبقى لازم توفي بالوعد بتاعك يا اسطى

قلت لها ما اقدرش اكسر كلامك يا بنت بخاتي ... بس عايزاني اعمل ايه الوقتي ؟

قالت لي : اللاب توب بتاعك تحطه على الطبلية ... و ايد تشتغل في الموضوع و ايد تشتغل في تقشير التوم

ماشي يا بنت بخاتي

......

اخدت اوامر بنت بخاتي و قعدت اجهز لكم الموضوع

......

البرنامج دا خطير جدا جدا

واحد ها يقول ليه ؟

ها اقول على السر الرهيب اللي فيه ... بيقدر يرجع الملفات جوه الفولدرات بتاعتها

مش زي البرامج التانية ... بيرجع الملفات المتشابهة كلها و يحطها كل مجموعة متشابهة في فولدر

.....

برنامج النهار دا نفسه حلوة جدا ... ما بيقرفش من اي حاجة و بيشتغل في اي حاجة

البرنامج اسمه الزبال .. الجماعة المتعلمين المتنورين بيقولوا ان Scavenger معناها الزبال.

البرنامج مجهزه لكم على كل لون يا باتيستا

اشي بالتوم و اشي بالبصل و اشي بالبشاميل

دي نسخة تتركب على الهارد دسك

و دي نسخة للفلوبي

و دي نسخة الميكانيكي

مش محتاجة تركيب او تنصيب او اي ترتيب

بس نزل الملف و توكل على الله

و الوقتي نروح للشرح

و آسف جدا جدا لو كانت الشطة كتيرة شوية